У Варшаві в середу отворили Центрум сателітных операцій, котре буде керувати воєньскый рух країны в козмічнім просторі і забезпечовати охрану народній сателітній інфраштруктурі. Центрум, котре выникло в тісній співпраці зо Споєныма штатами, є частьов Аґентуры ґеопросторного дослідженя і сателітных служб. Його службы бы в будучности могла выужыти і Словакія, інформує варшавскый корешпондент TASR.  Отворіньом центра доставать Польща нову способность плановати і коордіновати операції у весмірній домені, аналізувати дани зо сателітів і забезпечовати охрану так властной, як і союзницькой сателітной інфраштруктуры. Сістема має єдночасно давати сателітне шпіонажне інформованя про озброєны силы, штатну управу ці безпечностны часті.   В році 2026 бы мала Польща здобыти і ґеостаціонарный сателіт, котрый буде безперерывно над теріторійов Польщі і його службы бы могла выужыти і Словакія. (TASR, Пкф)