x

У Шведску ся зачало найбівше воєнске тренованя за послідніх 20 років

00

Найбівше воєнске тренованя в Шведску за бівше як 20 років ся вчера зачало за участи 20 000 армадных прислушників і 1000 вояків зо Споєных штатів америцькых. Тройтыждньове тренованя під назвом Аврора 17 одбывать ся в часі ростучой воєнской актівіты в реґіоні Балтоского моря. Приправеність поземных, вздушных і наморных сил перевірять передовшыткым в області стратеґічного находжаючого острова Ґотланд, Штокголму і Ґытеборґу. Шведска армада інформувала, же маневры суть заміряны на то, абы “одрадили можных атакуючіх і донутили їх, абы старостливо зважыли різіка атаку на нашу державу“, інформує аґентура АП.
(Петро Кімак-Фейко)