Фабрика на выробу електронікы в Чуваській републіці заставила выробу по атаку двох україньскых дронів. Інформував о тім в пондільок шеф реґіоналной справы Олег Ніколаєв. Подля агентуры Reuters то є єден з найглубшых ударів на російске теріторіюм. Атак одбыв ся коло 1300 кілометрів од граніць з Українов і нихто при нім не быв пораненый, уточнив Ніколаєв на платформі Telegram. Подля шефа реґіону были прияты „безпечностны опaтріня на дочасне заставліня выробы з цільом забезпечіти безпечность робітників поднику. Шкоды не суть безпосередньо знамы. Ніколаєв тыж інформовав, же далшый дрон пав на поле при метрополі Чебоксары при ріці Волга. Російске міністерство обороны на Telegrami ознамило, же його часті над Чуваськом зострілили два дроны. Подля резорту сістемы противоздушной обороны зничіли в ночі над Росіов цалком 49 україньскых дронів. (TASR, Пкф)