Хорватія од вчера знову отворила свої границі без рештрікцій про обывателів з десятьох членьскых країн Европской унії. Тот ядраньскый штат хоче што найскорше захранити свій ключовый сектор турістичного руху засягнутый коронавірусовов пандемійов, інформує о тім пресова аґентура AFP. Опатріня ся дотуляють десятьох країн, котры мають успішны выслідкы в області боя протів пандемії COVID-19. Іде о Чеську републику, Естонію, Літву, Лотішско, Мадярьско, Німецько, Польско, Ракуско, Словакію і Словінско. (TASR, Pkf)