Чеська інфлація в новембрі прискорила.  Главнов причінов было звышіня цін в області бываня, і то передовшыткым енерґій, і потравин і неалкоголічных напитків. Індекс спотребітельскых цін в новембрі меджірочно выскочів  о 16,2 % по звышіню о 15,1 % в октобрі, увів Чеськый штатістічный уряд (ČSÚ). Меджірочный нарост цін овпливнили главні ціны в області бываня, де ся частково указала мінулорочна нулова DPH на ціны електрины і земного пліну. Ціна електричной енерґії была в новембрі з причіны успорных опатрінь влады нижша о 23,4 %, покы земного пліну ускорили нарост на 139 %. Ціны потравин меджірочно наросли о 27,1 %, товарів о 18,5 % а ціны служеб о 12,7%.  (TASR, Pkf)