Лідерька білоруськой опозіції Святлана Ціхановска вызвала почас понедільковой навщівы Німецька представителів державы, жебы зрушыли візы про білоруськых обчанів з причіны сітуації в країні, де почас протестів проти презідента Александра Лукашенка приходить ку твердым засягам односно демонштрантів з боку безпечностных сил. Інформовала о тім аґентура DPA. „Кедь людей затримують і бють, є на часі, жебы Німецько і іншы країны подумали, ці быти осторожныма або наслідовати прінціпы демокрації,“ повіла Ціхановска, котра в середу в Европскім парламенті перевозьме престіжну Сахарову премію за 2020-ый рік, котру здобыла білоруська опозіція.

(Медвідь, TASR)