Кедь буде на Українї переміря а западны штаты ся договорять на высланю міровых єдноток, своїх вояків бы была охотна выслати і Чехія. У четверь то увела чеська міністерка обраны Яна Чернохова з тым, же в тій хвілї є передчасне робити єднозначны декларації, бо о то нихто непожадав. Реаґовала так на слова чеського презідента Петра Павла, же бы ЧР мала быти частёв міровых сил, інформує справодайкыня TASR в Празї. Шефка чеського резорту обраны але іщі у віторок в релації Ptám se já на вебі Сезнам Справы повіла, же кедь на Українї настане переміря, Чехія там в рамках безпечностных ґаранцій, котре бы Кієву додав Запад, своїх вояків не вышле. Увела втогды, же ЧР бы могла помагати наприклад в лоґістіцї, одмінованю ці в хемічній охранї.

(TASR, Шутіова)