Чеська влада схвалила в понедільок вытворіня фонду на поміч Білорусам, котрых постигли рештрікції режіму тамтешнього презідента Александра Лукашенка. Пропозіцію на зряджіня фонду передложыв чеськый міністер загранічных діл Томаш Петжічек, інформовав на своїм сайті Чеськый розглас. Прага на тот замір выділить з тогорічного бюджету міністерства загранічных діл десять міліонів чеськых корун. Грошы послужать перзеквованым людям, на лічіня про зраненых ці на підпору незалежных медій. Петжічек і чеськый премєр Андрей Бабіш інформовали, же Чеська републіка є приготовлена дати так само здравотницьку поміч тым людям, котрым бы ся їй не дістало в Білоросії. О розділіню грошей бы мала рішыти чеська амбасада в Мінску.

(Медвідь, TASR)