Чорногорьске міністерство здравотницьтва в неділю потвердило покы ныйвышшый денный прибыток новых сітуацій захворіня COVID-19. За 24 годин прибыло втогды в країні 116 інфікованых. Днесь о тім інформувала пресова аґентура HINA. Чісло інфікованых на 100.000 обывателів так досягло 281, што є омного веце, як евідують остатні штаты в реґіоні. Од зачатку марця аж до половины мая Чорна Гора в рамках першой вовны коронавірусовой епідемії зазначіла 324 сітуацій і девять смертных пригод. В другій вовні, котру уряды евідують од половины юна, шак подля аґентуры HINA уряды  зареґістровали 1771 сітуацій і 23 смертных пригод. (TASR, Pkf)