Чеська републіка підписала контракт на накупліня 24-ох америцькых літаків F-35. Меморандум о порозумліню меджі ЧР і Споєныма штатами Америкы ку проєкту надзвуковых літаків у понедільок підписала чеська міністерка обороны Яна Чернохова і америцькый посол в Чеській републіці Біян Сабет, інформовав резорт обороны. Накупліня літаків схвалила чеська влада влони в септембрі. Подля міністерства іде о найвызначнішый проєкт в історії чеськой армії. За 24 літаків Прага заплатить 150 міліард корун, што є коло 6 міліард евр, і є то найдорогшый накуп історічно. Першы літакы бы мала Чеська републіка дістати в році 2031, вшыткых 24 бы мала мати до 2035-го року. Втогды скінчіть арендованя актуално хоснованых шведьскых літаків Gripen.

(Медвідь, TASR)