Новый коронавірус собі в США выжадав за послідніх 24 годин 1169 мерьтвых. Інформувала о тім днесь аґентура AFP з одкликаням ся на даны Універзіты Йогна Гопкінса. Подля AFP іде покы о найвекше чісло жертв коронавірусу за єден день спомеджі вшыткых країн світа од зачатку ґлобалной пандемії. Наприклад, в америцькім штаті Ню Йорк выстачать плюцны вентілації про пацєнтів зо захворіньом COVID-19 уж лем на шість днів. Штат Ню Йорк мать за словами його ґувернера Andrew Cuomo к диспозиції лем 2200 вольных плюцных вентілацій, но каждым дньом прибуде коло 350 новых пацєнтів, котры їх потребують. (TASR, Pkf)