Ізраїль попробує “заплавити“ Пасмо Ґазы гуманітарнов помочов, котра буде до той палестиньской енклавы приходити з пару напрямів і різныма способами. Увела то ізраїльска армада через свого говорцю Даніела Гаґаріго. Інформувала о тім аґентура AFP. Высловы Гаґаріго приходять в часі, кедь міцніє меджінародный тиск на Ізраїль у звязку з ростучім страхом, же в Ґазі выпукне голодомор. Ізраїльска армада днесь увела, же до северной часті енклавы вступило вєдно шість накладных авт з помочов од Світового потравинарьского проґраму (WFP) через переход в безпечнім оплочіню знамім під назвов “96. ворота“. В даній часті Ґазы панує вынятковый акутный недостаток потравин. Подля Гаґаріго будуть наслідувати дальшы такы конвої і додавкы, котры будуть приходити до Ґазы. (TASR, Pkf)