Голандска влада ознамила “безпрецедентный“ пакунок в сумі 17,2 міліярды евр на поміч жытелям, котры противостоять ростучім цінам енерґій і двойціферній інфлації з причіны войны на Україні.  TASR о тім інформує на основі справы AFP. Голандскый краль Віллем-Александер представив пакунок при вчерайшім отворіню парламенту в Гааґу в часі, кедь дослідженя верейного мнїня поуказуює на пониженя довіры влады премєра Марка Руттего. Інфлація в Голандії досягла в авґусті подля Централного штатістічного уряду (CBS) 12 %, што є єй найвысша уровень од 70-ых років минулого століття. (TASR, Pkf)