Цільовов країнов штораз бівшого чісла міґрантів, котры ся выдають на дорогу через Середньоземне море, ся ставать Іспанія. В тім місяці, по першый раз од початку масового приливу міґрантів данов морьсков дорогов перед пятіма роками, прийшло до Іспанії в часі єдного місяця вецей як 10.000 людей, інформувала о тім в Женеві Меджінародна орґанізація про міґрацію. До 28. октобра зареґістровала орґанізація в Іспанії 10.042 міґрантів, котры ся достали шіфов, в Італії їх было 1003 а в Ґреції 3338. Порівнюючо з попередніма роками цілкове чісло міґрантів ся шак понижує. В року 2017 їх было до кінця октобра скоро 150.000 а в року 2016 в тім самім періоді аж 335.000.
(TASR)