Віктора Бабарику, котрый влони хотів кандідовати в презідентьскых вольбах в Білоросії, одсудили на 14 років арешту. Одсудженый має быти за фінанчны подводы. У віторок то оголосила аґентура AFP з одкликаньом ся на інформації, котры мають Бабариковы прихыльници. Віктор Бабарика, білоруськый банкарь, філантроп і опозічный політік, міг быти в авґусті минулого року головным протикандідатом Александра Лукашенка. Затримали го в юні по тім, што оголосив, же хоче кандідовати в презідентьскых вольбах.

(Медвідь, TASR)