З центра україньской метрополы Києв голосили днесь рано десяткы експлозій. Передходило тому выголошіня поплаху, котрый в ночі на днесь выкликали ракеты і дроны выпущены над теріторійов Україны російсков армадов. Як з одкликаням ся на свого справодайцю в Києві уточнила аґентура AFP, окрім експлозій было в місті чути і стріляня противоздушной обороны, котра одражала ночный російскый ракетовый атак. На многых місцях взникли пожары. Дошло і к пораніням людей. Києв зажыв таку масівну вовну атаків послідній раз кінцьом януара, доповнила BBC. (TASR, Pkf)