Выпадкы російскых додавок запричінили чеському енерґетічному концерну ČEZ величезны страты. Увів то ґенералный діректор ČEZ Даніел Бенеш. ČEZ прото ріхтує меджінародну арбітраж проти російскому концерну Ґазпром. Главным винником, котрый запричінив актуалну сітуацію, є “кремельскый імператор Путін“, повів то в діскусній релації в Чеській телевізії Бенеш. Росія мать подля нього 90-процентный подїл на днешнім звышованю цін енерґій. Росія подля нього зачала енерґетічну войну проти Европі уж рік перед тогорічнов інавазійов на Україну. Ґазпром неповнить договор з  ČEZ і ниякый плін йому недодавать. (TASR, Pkf)