Правіцьова популістічна партія Reform UK Найджела Фаража першый раз дістала ся на перше місце в баданю волебных преференцій. Подля баданя аґентуры YouGov, котрый быв публікованый в понедільок, бы вывшу Партію Брексіту волило 25 процент людей. На другім місці, із 24-ма процентами, бы скінчіли владны лейбрісты, треті бы были конзерватівці із 21 процентами. Подля телевізії Sky News, котра собі тото баданя дала зробити, бы выслідкы могли в шорах конзерватівців ініціовати діскусію о тім, ці бы ся не мали злучіти з Reform UK. Їх шефка Кемі Баденокова є прінціпілано проти, но злучіня підтримує 43 процент звіданых Брітанців, котры в послідніх вольбах голосовали за конзерватівців, 31 є проти. Меджі воличами Reform UK є проти злучіня 40 процент, 31 процент є за.

(Медвідь, TASR)