В повязаню з острільованьом історічного центра міста Одеса іде до того югоукраїньского міста місія Орґанізації зъєдиненых народів про выхову, науку і културу – UNESCO. В понедільок о тім інформовали україньскы медії. Місія зробить в Одесі оцінку шкод на памятках културной дідовизны, котры выникли при атаках російской армії. Станіця BBC припомянула, же україньске Міністерство културы і інформачной політікы уж в неділю оголосило свій замір звернути ся в повязаню з російскыма атаками на Одесу на Комітет світовой дідовизны UNESCO і Комітет другого протоколу Гааґского договору. В дослідку острільованя міста з ночі на неділю быв пошкодженый і Катедралный собор Преображенія Господа Україньской православной церькви, як і веце історічных будов у центрі міста ці інфраштруктура приставу.

(Медвідь, TASR)