Меджінародна общіна бы не мала условно обмеджовати подорожіня меджі країнами такзваныма вакціначныма паспортами, повів у понедільок директор проґраму Світовой здравотницькой орґанізації (WHO) про вынятковы сітуації Майк Раєн, котрого цітовала аґентура Associated Press. Вакціначны паспорты подля Раєна выкликують многы практічны і етічны вопросы. WHO уж скоріше позначіла, же дотеперь іщі все не є цалком ясным, як довго тырвать, покля собі чоловік по вакцінації вытворить проти вірусу імуніту. На властных верзіях вакціначных паспортів роблять наприклад Ізраіль, Швеція і Голандія.

(Медвідь, TASR)