Кошыцькый самосправный край і Пряшівськый самосправный край суть о крок ближше к аплікації інтеґрованого транспортного сістему. Од 1. фебруара будуть ціны листків на примістьскы автобусы в одідвох самосправах такы самы і выгоднішы. Жупы ся договорили на єднакых таріфах і злівах. Інформувала о тім  говоркыня председу Кошыцького самосправного края Анна Чінчарова. Новинов є вікендовый транспортный листок про родины з дітьми. В часі суботы, неділі і штатных свят го буде мочі хосновати мінімалні єден з  родичів вєдно з єднов або вецей дітьми до 15 років. Непозераючі на довжку путі буде каждый член родины путовати за 1 евро. При актуалных цінах є то выгодне при довшім путовані як є 30 кілометрів. Родинны злівы ся неодносять на злівы про ґрупы. То значіть, же ся неодносять на школскы вілеты або ехкурзії. Выгодніша буде і ціна за транспорт баґажі і звірят. При довжкі до 50 кілометрів представує по новім 20 центів, придовжкі путованя од 51 до 200 кілометрів 50 центів. (ТАСР)