Вопросы вырішіня сітуації на Україні были темами понедількового телефонічного розговору меджі Владиміром Путіном і Анґелов Меркеловов. Подля аґентуры ТАСС російскый презідент і німецька канцеларька бісідовали о важности дотримованя міньскых договорів з року 2015 і далшых вызначных договорів заміряных на підпору закінчіня україньского конфлікту. Обидвоми мали підкреслити важность просаджованя окремого статусу Донбасу в україньскых законах. У выголошіню ся так само пише, же Путін і Меркелова потвердили свій обовязок продовжовати в коордінації намагань Росії і Німецька в рамках нормандьского формату, а то і покля іде о приготовліня можливого саміту в тім форматі. Загранічнополітічный радник шефа Кремля Юрій Ушаков повів, же саміт бы міг одбыти ся кінцьом рока.

(Медвідь, TASR)