Ґана як 16-та членьска держава Орґанізації зъєдиненых народів стягля своє вызнаваня Косова. Інформовала о тім в понедільок сербска пресова аґентура Tanjug. Сербска премєрка Ана Бырнабічова то оцінила як великый успіх про політіку, котру Сербія просаджує в останіх пятьох роках. Ґана вызнала Косово у 2012-ім році і вытворила з ним діпломатічны односины. Тото вызнаня было подля дімпломатічной ноты Ґаны в незгоді зо Завершалным актом Конференції о безпечности і співпраці в Европі з 1975-го року, як і з резолуційов 1244 Безпечностной рады Орґанізації зъєдиненых народів із 1999-го року. Бырнабічова повіла, же політіка вызнаваня Косова была планов стратеґійов, но была повязана з втогдышньов неправилнов політіков Сербії.

(Медвідь, TASR)