В Німецьку собі вчера припомянули тых, котры перед 81 роками спробували о атентат на націстічного лідра Адолфа Гітлера. Політіци і заступници общественной сполочности варовали перед колектівным вбивством на події з минулости в часі зростаня крайньой правиці, інформовала о тім агентура DPA. „20-ый юл став ся сімболом одпору протів несправедливости, за справедивость і сумліня, за ліпше Німецько,“ выголосив міністер обороны Борис Пісторіус в Бендлерблоку, в резіденції резорту в Берліні. Якраз там на дворі быв в  1944-ім року застріленый єден з главных строїтелів невыдареного атентату на Гітлера, 36-річный плуковник Клаус Шенк фон Штауффенберґ, вєдно з далшыма трьома достойниками Вермахту. Поправили їх пару годин по одкрытю сприсяганя, котрого цiльом было забити Гітлера бомбов умiщенов в його головнім воєньскім стані. Націстічный лідер выйшов з того з легкыма поранінями, кідьже ся в часі експлозії ненаходив достаточно близько бомбы. Одплата за неуспiшну пробу собі як реакція выжадала жывоты коло 200 сприсяганців. (TASR, Пкф)