Членьскы штаты ЕУ днесь на уровни сталых амбасадорів схвалили 18. паклик санкцій проти Росії, увели подля аґентуры AFP неменованы діпломаты. Превентівны крокы дотеперь блоковало Словеньско, премєр Роберт Фіцо але у четверь ознамив, же СР уможнить схвалїня паклика, затоже достала од Европской комісії достаточны ґаранції в припадї плану заставити довоз російского ґазу до ЕУ, пише TASR. В порадю 18. субор санкцій проти Росії за єй інвазію на Україну мать подля Бруселу постигнути приймы Москвы з енерґетікы і воєньского комплексу. Ёго прията верзія рахує з понижанём цїнового стропу на російску ропу а заказом обходованя з компаніями котры мають ґазоводы Nord Stream 1 a 2, пояснила шефка діпломації ЕУ Кая Каласова.

(TASR, Шутіова)