Папа Лев XIV. у четверь увів, же в наслїдуючіх місяцёх хоче навщівити Турцію з нагоды 1700. юбілея першого ніцейского концілу. Покы бы ся навщіва одбыла, ішло бы о першу апоштольску путь нового понтіфіка. ,,Надїям ся, же о дакілько місяцїв ся з вами буду мочі зась стрїтити а брати участь на екуменічній ославі выроча ніцейского концілу,“ повіла голова католицькой церькви на стрїчі з католицькыма і православныма путниками зо США. Тот рік сі хрістіяньскы церькви припоминають 1700. юбілей першого ніцейского концілу, котрый ся одбыв в днешнїм містї Ізнік на западї Турції.