Серьбскый теніста Новак Дйорковіч є векшыновым властником фірмы, котра діє на вывою лічіня коронавірусу. В данскій компанії QuantBioRes мать 80-процентну часть. Вчера то потвердив британьскым медіям выконный діректор Іван Лончаревіч з тым, же Дйорковіч інвестовав до фірмы уж в літі 2020. Компанія робить на выробі пептіду, котрый мать заборонити коронавірусу інфіковати людьску бунку. В літі планує у Великій Британії зачати з клініцькыма тестами. (TASR, Pkf)