К обнові централного будинку Словацького народного музею (СНМ) на Ваяньского набрежі в головнім місті в найблизшых роках не прийде. СНМ зрyшыло архітектонічне змаганя, котре мало выґенеровати пропозицію реалiзації і наслідно і выпрацованя проєктовой докуметації. Причінов зрyшiня є недостаток фіначных средств, інштітуція то ознамила днесь через вестнік Уряду про публічне обстараваня (ÚVO). Архітектонічне змаганя выголосило СНМ на початку децембра 2024. Предпокладаный інвестічный обьєм средств на проєктoву приправу без фіначного оцініня найліпшых пропозицій быв оціненый на скоро 1,1 мiлiона евр без ДПГ. До змаганя пришло 28 понук. Предпокладаный термін выгодночіня быв становленый на конець юня.  25-го юня але СНМ достало высловліня міністерства културы, в котрім резорт кедь і потверджує мати право заміру реновації, вєдно але признавать, же проєкт наразив на економічну реаліту. Указує притім на то, же окрім предпокладаного келчіка на проєктoву докуметацію ся інвестіція до самой ставебной реалiзації одгадує на 70 мiлiонiв евро. (TASR, Pkf)