Як інформовав Мартін Караш, председа Русиньской оброды на Словеньску, орґанізація приготовила серію културно-общественных подій з назвов Русиньскы реґіоны в місті. Найближе з русиньсков културов з реґіонів можете стрітити ся в Кошыцях в неділю 29-го мая 2022-го року в просторах центра Южан. Ідейов новой серії подій є, жебы в містах выходной Словакії презентовали ся русиньскы умелці і колектівы з реґіонів северовыходной Словакії, котры суть населены Русинами. В недільнім проґрамі, котрый буде за словами орґанізатора повный русиньского слова, музикы і танця, одпрезентують ся Барвінок із Камюнкы, Любовнян із Старой Любовні, Вородай з Великого Липника і Майдан з Літмановой. Тішыти ся можете і на солістів – співаків і декламаторів з окресу Стара Любовня. Модеровати подія буде Наталія Гребікова, редакторка русиньской редакції Народностно-етнічного высыланя Радія і телевізії Словакії в Кошыцях. Жрідло фотоґрафії: Піотр Басалыґа. (LEM.fm, Пкф)