Німецька метропола Берлін вчера святкувала 70. выроча скінченя совєцькой  блокады, котра трапила місто в роках по другій світовій войні і вынутила собі літецьке засобованя западных секторів Берліна. Ішло о найвекшу повойнову гуманітарну операцію даного тіпу. Діятелі і гості вєдно з пару америцькыма вояками, котры помагали при реалізації тзв. літецького моста, ся стрітли на містнім аєродромі Темпелгоф і брали участь на славностній подій, інформувала о тім станиця Слободна Европа. Блокада ся зачала 24. юна 1948, кедь совєцькый лідер Осиф Сталін одрізав вшыткы путі, желізниці і водны етапы ідучі в напрямі з выходного Німецька до западной часті того розділеного міста. Його цільом было покорити собі дану енклаву котра была в Совєтмі контрольованій выходній часті країны. (ТАСР, Пкф)