Мадярьска влада подала жалобу на Европску унію (ЕУ) у звязку з рiшiньом дати Україні поміч в сумі дакількох міліярд евр зо змороженых російскых актів. Жалоба проти Европскому мировому інштрументу (ЕПФ) была насамый перед предложена Судному двору ЕУ, але пізніше была послана на Общій суд. В середу о тім інформував сервер Euronews. Рада ЕУ минулого рока рiшыла, же 99,7% уроків зо змороженых актів російской централной банкы дасть Україні через ЕПФ, котрый злекшує воєньску поміч союзницькым країнам. Києв так через ЕПФ каждорічно доставать три аж пять міліярд евр, высвітлює Euronews. Мадярьска влада подала проти тому рiшiню в маю жалобу і Судовый двор ЕУ ю в понеділок формално прияв і опубліковав в Уряднім вестнику ЕУ. (TASR, Пкф)