Найвекша переглядка історічных і модерных желїзнічных машын на Словакії ся надходячій вікенд одбуде в Кошіцях. Частёв 20. рочника Рушнёпарады буде і розлучка з електрічнов єднотков Пантоґраф. TASR о тім інформовав говорця Желїзнічной сполочности Словеньско (ЗССК) Домінік Древіцкый. ,,Минулорочна Рушнёпарада прилакала скоро 12.000 навщівників. Тот рік буде зась найвекшым лакадлом множество історічных, але і модерных влаків“ повів ґенералный директор ЗССК Петро Гелекса. Браны депа будуть в суботу (25. 5.) отворены од 9.00 до 16.30 год. а в недїлю (26. 5.) од 10.00 до 15.00 год. Приготовлены будуть історічны і модерны желїзнічны машыны, чіл аут зона в модерній влаковій єднотцї 660/661 Пантер ці десяткы ветеранів, котры ся в Кошіцях приставлять в рамках подїї 500 км словеньскых і котры ЗССК преправить до Кошіць автовлаком. Навщіницї сі будуть мочі попозерати їх выкладку в просторах кошіцькой авторампы.

(TASR, Шутіова)