Містьска бібліотека в Снині понукать службы розвозу книг зо свого фонду. Проєкт “книжного таксіка“ зазначів успіх уж в часі першой волны пандемії нового коронавірусу. Як на інтернетовій сторінці міста інформовала Михаела Шалахова з містьского уряду, служба є в першім ряді адресована членам бібліотекы, котрым здравотный став ці інша барьєра не доволить навщівити книжніцю. Книжкы, о котры обывателі мають інтерес, мож собі выглядати допереду через інтернетову сторінку бібіліотекы. Максімалне чісло пожыченых книжок є  5. Розвоз книжок забезпечує бібліотека в робочіх днях од 9:00 год. до 11:00 год. (TASR, Pkf)