Владна партія Most-Híd і мімопарламентна SMK ся затля не договорили на співпраці про слідуючі парламентны вольбы. Інформовали о тім по понедільковім їднаню. Партія Белы Буґара на нього пришла з условіями співпраці ї пропонує волебну коаліцію. Як інформовав підпредседа партії Most-Híd Абел Равас, партії мусять і в можливій коаліції решпектовати свою ідентічность, причім припомянув, же SMK є етнічна ґрупа, Most-Híd скоріше інтеретнічна партія і то ся за його словами не може мінити. SMK пожадавкы проїднать на презідії партії днесь. Обидва субєкты хотять быти по вольбах у 2020-ім році в парламенті і у владі. Днесь ани єдна не досягує потрібных 5 процент. В припаді коаліції бы мусіли на вступ до парламенту досягнути 7 процент. Партії суть згодны в тім, же треба забезпечіти, жебы мадярьска меншына мала по вольбах представителів у парламенті.

(Медвідь, TASR)