Радник презідента Петрa Пеллеґрініго про народностны меншыны, Крістіан Форро, стрітив ся з председом Палаты народностных меншын Міланом Яном Піліпом. Діскутовали о актуалній сітуації меншын, їх вызвах і рішінях, включно проблему Фонду на підпору културы народностных меншын. Піліп інформував редакцію ЛЕМ.ФМ, же Форро ся інтересовав Русинами, таксамо як і вопросом проблемы Русинів а такзваных „Русинів-Українців“. Односно вольбы директора фонду, Форро чекать на становиско ґенералного прокуратора. Далше подля Піліпа бісідовали о общіх проблемах меншынового фонду, котры бы треба было рішыти векшов новелізаційов закона. Фото: Facebook/ЛЕМ.ФМ (ЛЕМ.ФМ, Пкф)