Паріжска катедрала Notre-Dame, котра была важні пошкоджена пожаром в апрілі 2019-го року, буде 24-го децембра місцьом першого концерту од той траґічной події. Як інформував справодайскый портал Vatican News, рештаврачны роботы на пожаром пошкодженім храмі Маткы Божой ся іщі лем зачінають, але паріжске архієпіскопство вырішыло указати, же катедрала ,,вставать з попела‟. Прото ся в катедралі 24-го децембра одбуде різдвяный концерт, на котрім выступить і його катедралный збор  Maîtrise Notre-Dame. (TASR, Pkf)