Робітници драг роблять на стабілізації зосуву драгы за селом Чабины в окресі Меджілабірці. Справа і утримуваня драг Пряшівського самосправного края (SÚC PSK) інформувала, же діяням ерозных процесів, як і звышенов актівітов рушаня підземной воды і опадів, дошло на дразі ІІ. класы в екстравілані к деформації доріжного тїлеса. SÚC PSK ся в інтересі ліквідації  знайденых порух і з причіны звышіня безпечности участників доріжного руху вырішила комплексно зреконштруовати споминану етапу драгы. Піде наприклад о выбудованя опорного муру в довжині 60 метрів, выбудують ся новы конштрукчны верствы доріжного тїлеса в цілковій довжкі 160 метрів і зліпшать ся одтоковы условія на дразі. Конець реконштрукції є напланованый на новембер того року. Цілковый келчік є на уровні 703.000 тісяч евр і буде фінанцованый з розрахунку ПСК. (TASR, Pkf)