Місто Стропків  рамках черезграничной сполупраці зреконштруовало історішный юбіларный парк в сумі 193.000 евр. Быв вытвореный в 1896-ім року з нагоды міленіалных ослав угорьского кральовства. Святочно го планують одкрыти в літі вєдно з партнерами в рамках послідньой конференції. Як про пресаґентуру TASR пріматор Стропкова Ондрей Брендза повів, же ставбу зачали реконштруовати в минулім року через містьскый подник Служба в рамках черезграничной сполупраці Інтерреґ Польща – Словакія з партнерами Секова, Бобова і Нижня Полянка. Реконштрукція парку є подля його слов так повідаючі продовжуваням реконштрукції історічного намістя, котра бы мала скінчіти фіналнов етапов. В рамках проєкту реконштрукції юбіларного парку была надрукована і нова публікація з едіції Містеріа вїры. (TASR, Pkf)