Іншітітуціоналне посилніня охороны прав народностных меншын, розшыріня права хосновати меншыновый язык в уряднім контакті і зміна навчаня словацького языка в школах з навчалным языком народностных меншын – то дакотры із кроків і намірів, на котрых хоче в далшім періоді робити партія Most-Híd. Підпредседове партії Абел Равас, Петро Крайняк і Аттіла Аґоч вєдно з уповномечным про народностны меншыны Ласлом Буковскым тоты планы презентовали на понедільковій стрічі з медіями. Уповномоченый Буковскый бісідовав і о приготовльованю леґіслатівного заміру закона о народностных меншынах. Подля Буковского є цільом приготовити і схвалити дефінітівну верзію леґіслатівного заміру і завязати будучу владу, жебы до проґрамового выголошіня і леґіслатівного плану дала приготовліня пераґрафовой верзії закона. О замірі буде ся їднати на януаровім засіданю Выбору про народностны меншыны і етнічны ґрупы.

(Медвідь, TASR)