Влада застропує ціны тепла, пліну і електрины про обыстя на будучій рік. З пропозиції розрахунку є на то достаток грошей, потвердив то в недільній діскусній релації RTVS O 5 мінут  12 міністер праці Мілан Крайніак. Конкретны чісла подля нього представлять так, як было авізоване уж скорше, то значіть зачатком децембра. Сістем дотованя цін є шак уж знамый. “У фактурах, котры будуть ходити од додавателів, буде мати кажда домашність вызначене, яка бы была ціна, як бы небыла дотація і яка буде, кедь там буде штатна дотація,“ приближыв Крайніак. (TASR, Pkf)