Проєкт лїтнїх школ давать можность дїтём а школярїм дошколёвати ся почас лїтнёго, празднинового періоду. Сконштатовала то презідентка СР Зузана Чапутова по четверёвій навщіві Лїтнёй школы ОШ Рогожник. Цїлём є змірнити досяг діштанчного школованя і запертых школ почас рядного школьского рока. Проєкт лїтнїх школ голова штату подля властных слов вітать і оцїнює. ,,Дїтём, котры ся не могли школовати онлайн або інакшов формов, є уможнене, жебы могли навчалный дефіціт добігнути протягом празднин. Говорили же суть спокойны. Же є то скоріше граве і зажыткове учіня, без скушаня і писомок,“ повіла Чапутова.Презідентка повторюючо подяковала вшыткым учітелям на Словакії за звладнутя сітуації, кедьже словацькы школы мають подля нєй міморядно тяжкый школьскый рік. Вшыткы подля нєй зарівно вірять, же будучій школьскый рік буде лїпшый.

(TASR, Шутіова)