x

До Нїмецька привезли далшых 142 міґрантів з Ґреції

00

Далшых 142 міґрантів у четверь прилетїло летадлом до Нїмецька в рамках обіцянкы, же нїмецька влада репатріує даяку кількость людей з Ґреції, жебы змірнила містну утеченецьку крізу. Інформовало о тім міністерство внутрїшнїх дїл в Берлінї. Летадло з 35 родинами – 69 дїтей а 73 дорослых – пристало на летїску в Ганновері. Міґрантів перероздїлять до єднотливых сполковых країн Нїмецька, уводить ся у выголошіню міністерства. Цїлкова кількость міґрантів переміщеных з Ґреції до Нїмецька ся так підвышыла на 1433.

(TASR, Шутіова)