В бібліотеках Пряшівского самосправного краю влони наросла кількость чітателів і навщівность. TASR о тім інформовала говоркыня краю Даша Єленьова з тым, же цілково ся в рамках вісем реґіоналных бібліотек ПСК пожычіло понад 1,2 міліона книжных єдиніць і зазначіли майже пів мілона навщівників. В році 2022 подля їй слов заевідовали 31 700 реґістрованых хоснователів. Навщівность меджірічно наросла о 100 000. Высша навщівность за словами говоркыні оддзеркалила ся і в чіслі выпожычок. Тоты в порівнаню з роком 2021 наросли о веце як 260 000. Найвеце їх было в Крайскій бібліотеці Павла Орсаґа Гвєздослава в Пряшові, ішло о майже 513 000 книжок.

(Медвідь, TASR)