Російска омбудсманка про права дітей Марія Львовова-Беловова, на котру є выданый затыкач Меджінародного карного суду (ICC) за “депортації“ україньскых дітей, вчера выголосила, же є приправена тоты діти послати назад на Україну в сітуації, як о тім родины пожадають. Інформує о тім аґентура AFP. Подля дани україньского міністерства про інтеґрацію окупованых теріторій є днесь нелеґално депортованых 19.514 дітей. Російске міністерство обороны в минулім року в половині авґуста ознамило, же до Росії до того часу доразило 3,5 міліона людей вєдно веце як півміліона дітей. США в юлі увели, же Росія з Україны “нучено депортовала“ 260.000 дітей. (TASR, Pkf)