На середніх школах ся днешнім дньом зачали устны матурітны скушкы, котры потырвають до 13-го юна. Приголосило ся на них скоро 41.000 матурантів. Про пресаґентуру TASR то потвердило Міністерство школства, выскуму, вывою і молодежі СР. Штудентів чекать устна одповідь перед фаховыма комісіями. Терміны інтерной части матурітной скушкы становлюють єднотливым середнім школам приналежны реґіоналны уряды школьской справы. Оправный термін про устну матуріту може быти будь в септембрі або у фебруарі наслідуючого року. Найблизшый оправный термін письмовых матуріт ся одбуде од 2-го до 5-го септембра того року. (TASR, Pkf)