До станового табора в Гуменнім  ночі на неділю прияли дальшых міґрантів з Україны. Чісло уквартельованых ся звышыло на 240. Веце як 80 процентів табора творять діти, котрым обогачують проґрам добровольници зо Словеньского червеного хреста. На соціалній сіті то увело Презідіюм Гасічского і захранного збору (HaZZ). Дочасне нудзове уквартельованя в ареалі Захранной бриґады HaZZ з трьома десятками станів выбудовали в пятницю 25-го фебруара. Першы Українці прийшли до табора зразу на другый день в суботу по півночі. (TASR, Pkf)