Найвысшый суд СР потвердив вердікт крайского суду в Братіславі в припаді доволаня ческого експремєра Андрея Бабіша в кавзі його евіденції у спискох комуністичной Штатной безпечности (ŠtB). Найвысшый суд о тім вырішыв кінцьом авґуста, результат вчера ознамив Бабіш. Єдночасно додав, же його правници про спомалюваня в суднім діяню зажаловали Словакію на Европскім суді про людьскы права (ESĽP). Інформує о тім станіця ČT24. Бабіш крітізував, же ани по 11 роках небыли словацькы суды способны в кавзі вырішыти. Ческый експремєр Бабіш быв у спискох ŠtB евідованый як аґент під крычім меном Буреш, сам шак сполупрацю з ŠtB попирать і тырвать на тім, же в списку є евідованый незаконно. (TASR, Pkf)