Презідентка СР Зузана Чапутова призначіть уставных судців аж з комплетного чісла кандідатів, так як авізовала уж перед тым. Увела то в реакції на вчерайшу вольбу, в котрій посланці Народной рады СР выбрали лем єдну кандідатку а то Едіту Пфундтнер,  штатну секретарьку резорту справодливості. У своїм становиску шак презідентка привітала высловы председу парламенту Андрея Данка. Тот іщі перед вольбами повів, же є то послідній раз, што SNS кандідатів на уставных судців волить тайні. Кедьже ся неподарило зволити потрібне чісло кандідатів, буде дальша вольба, котра бы ся мала одбыти в септембрі. (TASR, Пкф)