x

Крамймер кінчіть у функції шефа Народной протикорупчной єдноткы NAKA

00

Роберт Краймер пожадав о уволніня з функції директора Народной протикорупчной єдноткы. Увів, же так зробив по дослїднім зважіню і з оглядом на непримераный натиск на ёго родину і роботу протикорупчной єдноткы, якый принимать як політізуючій і беспрічінный. Свою функцію закінчіть к першому априлю 2018. На позіцію шефа протикорупчной єдноткы буде дочаснї повіреный заступця директора. Краймер зістає в Поліцайнім зборї а натеперь не буде заставати позіцію в утварах кріміналной службы. Краймер ся обявив на містї чіну вражды новинаря Яна Куцъяка і ёго приятелькы Мартіны Кушнїровой, подля опозіції там не мав што робити. Міністер внутрїшнїх дїл Томаш Друкер пізінїше высвітлив, же на місто чіну Краймера послав шеф NAKA Грашко, бо в часї по дакілько годинах од наголошіня вражды знали поліцайты з медій о кого іде і на якій статї Куцъяк робив. В медіях ся обявили о Краймерови і інформації о різных перепоїнях.
(TASR, Цітрякова)