x

На пєтну спомінку ку вырочу СНП пришли і учасници повстаня

00

На пєтній спомінцї ку надходячому 77. вырочу Словацького народного повстаня (СНП) в Братїславі брали участь прямы учасници повстаня а таксамо і членове протифашістічного одбоя. На братїславскім Намістю СНП ся зышли довєдна з веджінём Народной рады СР, посланцями, членами рады і заступцями самосправ.,,СНП є споёване з геройством нашых предків,“ повів у приговорї підпредседа НР СР Мілан Лауренчік (SaS). Припомянув, же нашы отцёве і дїдове повстали жебы ся выманили з окупації. Таксамо підчеркнув, же днесь жыєме в часї, кедь ся не мусиме бояти о свої жывоты. ,,Демокрацію береме як самозреймость. Мусиме сі але припоминати, же за тоту можность вдячіме головно тым, на котрых сі каждый рік в авґустї споминаме,“ повів і подяковав ся вшыткым, котры брали участь на повстаню. З приговорами выступив тыж віцепремєр і міністер фінанцій Іґор Матовіч (OĽANO), як і підпредседа Братїславского самосправного края Юрай Штеклач а Мартін Крно зо Словацького союзу протифашістічных боёвників.

(TASR, Шутіова)